平安夜真係好平安

晚飯有奄列、大磨菇、海鮮忌廉芝士湯、栗米仔重有可樂雞翼

終於搵到樣野係煮得好味既，哈！

 

份聖誕禮物都仲未搞掂，要快手喇～

 

哈你波凸都唔太差，起碼唔會好悶，又有ｄ怪獸睇下咁，但係就冇乜投入感。太過講故仔喇，ｄ人都係出一出就冇，可能本書太厚套戲太短啦。對我呢ｄ冇睇過書既人，都係冇乜impact。值得一提既係坐我右手邊既謎之男人A，佢既智慧絕對係低於一般既MK人，可能係睇得龍咁威之類既港產片太多，或者係受到古惑仔、火舞耀揚之類既漫畫燻荼太多。佢經常都期望畫面既角落有一ｄ解畫既格格。佢蠢到連一ｄ最簡單既劇情都唔明，「佢開心呀？」、「佢嬲呀？」、「贏左拿？」之類既問題不斷出現。而最慘既係，佢身邊既朋友ａ、ｂ、ｃ就做左解話既工具，而好明顯佢地就係將本書背左既八婆仔。晌佢地一問一答之下，中段左右我已經知道左故事既關鍵…雖然忍無可忍之下我都轉左個頭過去叫佢都收聲，可惜已經為時已晚，下次應該早ｄ一巴車過去！

 

打牌，輸！自從冇上公司打牌，好耐未輸過咁多lu

 

前日唱Ｋ，唱左首刻不容緩

一直都冇乜用心聽過首歌，皆因容祖兒都唔太係我杯茶

但係唱落原來真係幾似我地兩個既故仔，唔怪知上次點左冇唱佢咁唔開心啦

雖然都有ｄ發癲歌，可惜大病初愈，力不從心。呢ｄ咁既節日唔發下癲真係唔抵。

 

仲請左日假，海洋公園一日遊

訓醒就出發喇，早抖！